Það má með sanni segja að sumarið sé komið í Kílhraun. Hryssurnar kasta hver á eftir annarri. Fyrst kastaði Lýsa, leirljósri stjörnóttri hryssu. Sú er undan Sleipni frá Kverná og fékk nafnið Ösp frá Kílhrauni. Næst í röðinni var Sletta sem kastaði rauðri hryssu sem er undan Stíganda frá Stóra Hofi. Harpa kastaði strax daginn eftir, rauðblesóttri hryssu, undan Kristal frá Auðsholtshjáleigu. Sú hryssa fékk nafnið Krafla frá Kílhrauni. Loks kastaði Gróska rauðskjóttri hryssu sem er undan Álfi frá Selfossi. Nú bíðum við eftir að Blíða kasti, en það er ekki von á því fyrr en eftir mánuð.
Hér eru myndir af nýju folöldunum.
Gróska með Álfsdóttur
Ösp frá Kílhrauni
Krafla frá Kílhrauni
Sletta frá Dalbæ og dóttir Stíganda frá Stóra Hofi.
