Fyrsta folaldið okkar fæddist 17.maí, við fengum fallegan bleikálóttan hest undan Hróa frá Skeiðháholti og Hervarsdótturinni okkar henni Heru.
1. júní kom svo sá rauðstjörnótti undan Ekkju og Segli. Enn er ekki útséð hvernig hann verður á litinn.
27.júni kastaði Lýsa hryssu sem dó í köstun.
5. júli kastaði Hnota rauðum hesti undan Hvin frá Vorsabæ.
Döggin okkar reyndist svo geld, þó svo að hún hafi verið sóneruð fylfull, en það getur víst alltaf gerst.
15.júlí kastaði hún Harpa okkar loksins, hún hefur það fyrir vana að láta heimilisfólkið bíða eftir sér, bara flottust. Hún eignaðist gullfallega jarpa hryssu sem er undan Hvin frá Vorsabæ. Til að halda í hefðina fær hún svo eitthvert fallegt fjallsnafn, því systur hennar heita jú, Hekla, Katla og Askja.
Sæl
Var að sækja hryssu til ykkar í dag og er að skoða vefinn.
Hvaða fjallsnöfn eru svo eftir? Skaldbreiður, Baula, Krafla, Esja, man ekki eftir fleirum í bili. Kveðja úr Borgarfirði 🙂
Já þetta eru ansi falleg folöld, til hamingju með þau 🙂
Bara falleg folöld sem við fengum þetta árið 🙂