Gná frá Kílhrauni

Gná frá Kílhrauni

Gná fæddist árið 2013. Foreldrar hennar eru heiðursverðlaunahesturinn Álfur frá Selfossi (8,46) og Gróska frá Dalbæ (8,19). Hún er rauðskjótt eins og pabbinn, en að auki glaseygð.

Gná er forvitin og áræðin. Hún virðist ekki hræðast margt en er ekki fífldjörf. Gná er fríð og virðist ætla að verða vel byggð. En tíminn leiðir það í ljós. Hún sýnir fallegar hreyfingar. Gná er það trippi sem kemur alltaf fyrst til okkar þegar við heimsækjum stóðið í bithagann.

Nafnið Gná kemur úr goðafræðinni. Gná er ásynja og ein af þjónum Friggjar sem er kona Óðins.

Gná er nú komin á tamningaaldur og byrjunin lofar góðu. Hún er einstaklega samstarfsfús, einbeitt og skrefstór. Hefur mikið rými og er fljót að læra. Á myndum hér fyrir neðan má sjá Gná í reið eftir tveggja mánaða tamningu.