Folöld í Kílhrauni 2016
Að venju fæðast nokkur folöld í Kílhrauni á hverju ári. Þetta sumar hafa fjögur folöld litið dagsins ljós og auðvitað er hvert þeirra öðru fallegra.
Byr frá Ögri
Þann 2. júní kastaði Sunna frá Ögri, jörpum hesti undan Hljómi frá Kílhrauni. Hann fékk nafnið Byr frá Ögri. Þau eru í eigu Bjarna Lárusar Harðarsonar. Þann 12. júní kom svo brúnn hestur undan
Brúnn hestur undan Blíðu frá Ljótunnarstöðum og Fursta frá Kílhrauni
Blíðu frá Ljótunnarstöðum og Fursta frá Kílhrauni. Ásdís og Gunný eiga þau.
Það var svo þann 2. júlí að síðustu tvö folöldin komu sama daginn. Spá frá Skíðbakka 1 kastaði jarpri hryssu undan Jarli frá Árbæjarhjáleigu.
Jörp hryssa undan Spá frá Skíðbakka 1 og Jarli frá Árbæjarhjáleigu
Folaldið er í eigu Sigga Sig. Askja frá Kílhrauni kastaði líka jarpri hryssu undan Hrafnari frá Auðsholtshjáleigu. Hún hefur fengið nafnið Frigg frá Kílhrauni. Lilja og Bjarni eru mjög lukkuleg með þetta jarpa folald.
Nú er kominn sá tími að hryssurnar eru farnar hver í sína áttina að hitta nýja stóðhesta. Þeim verður svo safnað saman þegar sumri tekur að halla og þá strax verður farið að hlakka til næsta sumars.
Frigg frá Kílhrauni við hlið mömmu sinnar, Öskju frá Kílhrauni.
Frigg frá Kílhrauni, jörp hryssa undan Öskju frá Kílhrauni og Hrafnari frá Auðsholtshjáleigu.
